إن كان ربي كاتبك لي فأنت لي رغم الانوف

هملتني /
للحزن / والعبره/ وليلي / الطيوف
وخليتني مابين لوعات
..( الهموم الاربعة)

حزن/ غدا طابع حياتي
كل مااغمض واشوف
مدري هو اللي كان
يتبعني أو اني اتبعه..!!

وليل/ بدونك ..
ظلمته (غربته) ولحظاته (سيوف)
تقطع جدار الصمت ..
في صدري وتمسي بظلعه

وطيف/ يداعب خاطري
حتى وانا بين الضيوف
ومن قال وش بك يولد
.. سرحان .. ازريت اقنعه

وش باتعذر به!! وانا
مابين هم.. وبين خوف
وشوق .. يغايض قلبي
المجروح حتى يترعه

لو انها بالزين ..
كان الزين من غيرك الووف
المشكله ..( حب
العمى) .. ياجعل ربي يقلعه

ان ابتعدت آموت هم
..وكل ماجي لك شغوف
كنك تعمد ( ضيقة
الخاطر ) ولو فيها سعه!!

اواه ياقلب تركته
لك!! على بيض الكفوف
واللي مهو يصدق !!
على كفك يلاقي مصرعه

تشوفني وتصدمني.. لا
!! ولا كنك تشوف
تقدر على وصلي واحسك
قدك ناوي تقطعه

تقول صبرك !! والصبر
ليته يبرد حر جوف
اسهر ليالي البعد
..لين الفجر .. يبلج مطلعه!!

(( غيابك القاسي ..
وباقي لهفتي واقسى الظروف
ماغيرت قلب .. ماهو
يبغي تكون .. الا معه ))

إن كان ربي كاتبك لي
.. فأنت لي .. رغم الانوف
واذا القدر ماعاد
ردك .. يستحيل ان امنعه

انت .. ومشيت وماعرف
وشهي نهاية ذا الظروف
وصوتك / ماانا بداري
.. هو ربي كاتب لي اسمعه

لا قدك ناوي ترحل
وتقفي معا بيض القنوف!!
قلب خذيته من صدر
راعيه .. تكفى رجعه!!