أنا حبيتك لحــــــالك.. وقلبي مايحب اثنين
وأبيك تحبني لحالي.. وحيد ومامعي ثاني
لاجل عينك تواسيني.. وقلبك مايذوق البين
لاجل إني أحبك موت.. غيور وطبعي أناني
أنا صادق مثل قلبك.. ولا لي بالهوى وجهين
أحبك يعني أحبــــك..تدورني وتلـقـانــي
أنـا شايــف وأناأدري..كثير يلعب على الحبلين
غريب يذبح قلوب الناس..وهو بلحيـل طربانـــي
يعيش بعالم ثانـــــــي..ويشـوف العالم بلونين
يشوه صورة الإنسـان..ويعيش العمر وحداني
يشـك بكـل من حوله..وحايـر بيـن هـالدربين
يبي يمشي على خطاها..وخايف من صدى الثاني
حـيـاتـه مـالـها قيمــة..وذل أولــــه تـكـفيــن
يتباهى في جروح الناس..وعادي لو هو الجانـــي
يحسـب الخيانـة عــــــز..ويتفاخر بقلبه الخاين
ضحـيـة حـب مجـروحـة..تـقـول الـحـب أذانـــي
وأنـا والله أتـألـــــــــم..وبريء من عاشقين ألفين
بشر وشلون أوصفهم..عجز شعري على لساني
تعبـت مـن الرجا فيهم..قلوب قاسية طرفين
ولكن وش نقص فيني..عزيز وفيك هيمـانـي
أبي افهم سـؤال مات..بداخـل خافقي يازين
لاجل أرتاح مـن همـه..وأعيـش العمـر طرباني
سـؤال يخنق أنفاسي..ودمعي مستحي بالعين
أبي أسألك بغيـابـــــي..تعـانـي مـثـل ماأعـاني
وإذا شفتك بعـد غيبـة..أحـس إنـي مـع الحيين
لاجل إني أحبـك مــــوت..عليـك يعيش وجدانــي