بمناسبة مرور 5سنوات على سقوط بغداد

بمناسبة مرور خمس اعوام على سقوط بغداد
";

بمناسبة
مرور خمس اعوام على سقوط بغداد احب ان اقدم التعازي للشعب العراقي بهذا
الحدث الجلل واستعيد بعضا من ممارسات النظام السابق بحق العراق والعراقيين
قد لا يرغب البعض بتذكرها لمرارتها ولكني اذكرها هنا للتاريخ ولكي تكون
عبرة لمن يعتبر:

التعليم:
قام
النظام المتخلف بفرض التعليم الالزامي على الشعب العراقي من مرحلة
الابتدائية وحتى الجامعة ولم يكتفي بهذا القدر بل قام بجعل التعليم مجاني
مما حرم اغلب مكونات الشعب من فرص العمل بالشارع وجعلها محصورة بالهندسة
والطب والعلوم كما ادى الى جعل الانسان العراقي يمتلك قدرا من الثقافة لا
يستفيد منه ولايفيد به احدا الامن:
قام
النظام الفاشي بحماية الحدود امام كل من هب ودب مما ادى الى حرمان
العراقيين من الاطلاع على ثقافات دول الجوار ومنع تشكيل جيوش وفيالق
وبيشمركة لحماية مصالح جماعات معينة

الدفاع:

امتلك
النظام المجنون جيشا بحجة الدفاع عن حدود العراق من الرياح الصفراء
القادمة من الجارة ايران لمجرد انها ارادت وبكل حسن نية نشر الثورة
الاسلامية الايرانية وسياسة العمائم في العراق كما قام وبكل وقاحة بتسمية
من قتل اثناء هذه الحرب بالشهيد لانه دافع عن ارضه

الصحة
قام النظام المريض بجعل العلاج شبه مجاني في مستشفيات تابعة
للحكومة وكذلك الامر بالنسبة للادوية مما حرم المرضى من فرص العلاج في الخارج
الاقتصاد
قام
النظام الاقطاعي بدعم الاقتصاد عن طريق توفير المواد الاولية للصناعة كما
دعم الزراعة ايضا مما منع المهربجية الاكراد من التهريب الى ايران وتركيا
ومنع اهل الغربية من التهريب الى عمان وسوريا! ومنع اهالي الجنوب من
التهريب الى السعودية وايران
النفط
قام النظام الطماع بتأميم النفط مما حرم العديد من تهريب النفط الى دول الجيران والاستفادة من خيرات البلد

طبعا
هذه بعض المصائب الي ارتحنا منها وهسه ماشاء الله وضعنا ميت مرة احسن من
كبل. اصلا احنا هسه احسن من امريكا نفسها الي حررتنا. شوفوا المواطن
الامريكي يمكن ميحتاج فيزا حتى يطب اي بلد بس يحتاج جواز. احنا العراقيين
اصلا منحتاج لاجواز ولافيزا حتى نطب لاي بلد والي ميصدكني يسأل العراقيين
الي بالسويد.
قبل
على وكت صدام جان لازم ندفع 400 الف دينار حتى نطلع من البلد وهسه صار لازم
ندفع 15000 دولار حتى نوصل للبلد الي نريده. كولو الوضع مصار احسن!
قبل
جنه نتخرج حتى نتستفيد من الشهادة وهسه اصلا منحتاج الشهادة لان افاق
العمل واسعة من غسل وطبغ وتنظيف اذا مو بالبيت فبدول المهجر واذا متصدكوني
سألوا الشباب العاطل عن العمل.
قبل
صدام المخبل بنى العراق ب6 اشهر بعد حرب الخليج وخله العراقيين وراها
يكعدون لاشغل ولاعمل. وهسه ماشاء الله مؤتمرات اعادة الاعمار تنعقد وترجع
لي ورة والحكومة تعلن عن ميزانيات والفلوس اطير ومحد يعرف شلون والاعمار
بعده مبادي. يعني الي يريد يشتغل ترة يلحك يجي لان احنا لي هسه بعدنا
مبدينا شي والي ميصدكني يكدر يسأل وزير المالية.
قبل
جان شحده اليضرب طلقة بدون علم الحكومة وهسه صرنا تكساس شوكت منضوج نحرك
الجو حرك وعلى كولة خضير هادي صدرنا صار للتفك نيشان والميصدكني يكدر يسأل
اي واحد ماشي ورة التسعة بالليل بالشارع.
قبل
جانت الطبقية واضحة وقوية هسه الحمدلله اختفت فلا فرق بين مهندس وطبيب
وزبال وعاطل لمن تنفجر سيارة والميصدكني يكدر يسأل تنظيم القاعدة.
قبل
جان الي يسب عنب الاسود ينذب جوة هسه كلنا صرنا نسب العنب الاسود بس
ياويلنا وياسواد ليلنا لو نحجي على بقية الفواكه والميصدكني يكدر يسأل الي
طلعوا من معتقل الجادرية.
قبل
جان عدنا علم شحده الي يكدر ميرفعه او يرفع غيره. هسه صار اللي بالشمال
عدهم علمهم والهم والثاني مخليه لخاطرنا وغيرهم يريدون يغيروه لان ميمثل
انتمائهم والميصدكني يطلع برة ويشوف شكم علم معلك بالمنظمات السياسية.
بال91
الجنوب طبك ويه ايران وراد يسوي انقلاب سمته الحكومة تمرد وهسه صار ثورة
شعبانية باسلة. قبل شكم يوم الجنوب علكها ويه الحكومة والحكومة سمت
المسلحين عصابات وهمه سموها دكتاتورية لان مخلتهم يلعبون شاطي باطي. هاي
لاتسألون بيها احد لان محد يعرف يفتي بيها.
كبل
جان شحده الي يكول جزر الامارات ايرانية وهسه وبعين كوية يكولوها وبنص
العراق. (لا منيلهم ايرانين الكاعدين بالحكومة) وفوكاها يطلع كاكا جلال
يكول هاي جزر عربية. والله خزيتونا طلع جلال وجماعته يفتهمون اكثر منكم.
على
ذكر الساسه الاكراد خسارة بيهم الحكم الذاتي. عبالهم 15 سنة بلا صدام
تسويهم اوادم ميدرون انو اذا فكروا بالاستقلال راح يطيح حظهم (مصلح دارج من
نهاية الثمانينات الى الان) ايران وتركيا وسوريا.
كبل
من ال79 ولل 2003 طبينا 3 حروب وطلعنا بشهداء (اقصد قتلى) ميتجاوزون
المليون وهسه بخمس سنين صار عدنا مليون شهيد واربع ملايين مهجر والله اعلم
شكم مفقود.
قبل جان صدام يكول اليلعب بذيله خلي يدير باله لا الكفه وهسه من رئيس الجمهورية ونزولا الكل تلعب بذيلها ومحد يحاسب.
قبل
جان شحده الي يخدم احد غير البلد وهسه من الحكومة رادت تفرض القانون
بالبلد 1000 عسكري جروا ايدهم لان المليشيات اولى بالولاء من الوطن.
كبل
جان عدنا مخبل اسمه عدي يخيط ويخربط بكيفه. وهسه صار عدنا واحد اسمه عموري
يلعب ب؟؟؟ ومحد يحجي وياه والميصدكني خلي يشوف قناة الفرات.
قبل
جان عدنا مليون تمثال وصورة لشخص واحد وره السقوط سموها اصنام وفلشوها.
وهسه صار عدنا صور مال مليون واحد منكدر نسميها اصنام لان كلهم اولياء الله
الصالحين بقدرة قادر والميصدكني يطلع يفتر بمحافظات الوسط والجنوب ويشوف
بعينه
كل هذا وبعد اكو كومة حجي وهم بعدنا
من نصر الى نصر
ويامحلى النصر بعون الله
ومنصورة يابغداد

بمناسبة مرور 5سنوات على سقوط بغداد File13140454391

بمناسبة مرور 5سنوات على سقوط بغداد File13140454391

الموضوع الأصلي : بمناسبة مرور 5سنوات على سقوط بغداد المصدر : منتدى تكنولوجيا العين الذهبية

الوردة الحمراء ; توقيع العضو

دسـتـــور و قـــانـــون الـمـنـتـــــدى - ادخل واقرا حتى لا يحذف موضوعك

بمناسبة مرور 5سنوات على سقوط بغداد 090215143244aQzK

الموضوع الأصلي : بمناسبة مرور 5سنوات على سقوط بغداد المصدر : منتدى تكنولوجيا العين الذهبية

*عيون الاسلام* ; توقيع العضو

دسـتـــور و قـــانـــون الـمـنـتـــــدى - ادخل واقرا حتى لا يحذف موضوعك

بمناسبة مرور 5سنوات على سقوط بغداد File13141178431

بمناسبة مرور 5سنوات على سقوط بغداد File13141178432

الموضوع الأصلي : بمناسبة مرور 5سنوات على سقوط بغداد المصدر : منتدى تكنولوجيا العين الذهبية

الوردة الحمراء ; توقيع العضو

دسـتـــور و قـــانـــون الـمـنـتـــــدى - ادخل واقرا حتى لا يحذف موضوعك