1-كل زير يلقى مغطاه
2-علموه الصلاة سبق لجامع
3-شوي من الحنه وشوي من رطابة ليد
4-الي ما شبعشي من القصعة مش راح يشبع من لحيسها
5-جاء يتسكن صار يتمكن
6-خاين الدجاج على راسو الريش
7-ضاق الضواقه وكسر الماعون
8-يلي بدلك بالفول بيعه بالقشور
9-كسكسلوا يرجع لاصلوا
10-المغرف تعرف لمين تغرف
11-هرب من المطر جاء تحت الميزاب
12-قبل ما يموت مشتاق تمرة وبعد ما مات علقولو عرجون
13-حمرايه وقنطت
15-شايب وتزلبح غير اتك واذبح
16-اذا شبعت الكرش تقول للراس غني
17-إقلب القدرة عن فمها تطلع البنت لأمها
18-وإقلب البدون على قفاه يطلع الولد لأباه
19-لو كان تروح للبحر تلقاه ناشف
20-أخدم يا صغري على كبري وأخدم ياكبري على قبري
21 -التمر ما يتملح والسوفي ما يتكلح.
22-إللي كلا سهمه يغمض عينه
23-قاله من شاهدك يا الذيب قاله شهدني بعصوصي
24- كي السردوك يعرف الأوقات ومايصليشي
25– العريس اِيْعَرس والميشوم يتهرس
26-تعلم الحجامه في روس اليتامى
27-رُدْ بَالك من السّوفي إذا صلّى والبسكري إذا تولَى والحشاني إذا باَع الغلّة
28-أذكر الصيد يحظر
29-ريحة شحمة في تشيشة
30-ـالكلام عني والمعنى على جارتي
31-دير كيما دار جارك ولا حول باب دارك
32-كل بلاد ورطالها

33-اللي فتاته الماكلة يقول شبعت و اللي فاته الكلام يقول سمعت
34-تغدى وتمدى حتى غمضة عين وتعشى وتمشى حتى خطوتين
35-اللي ليك ليك و اللي خاطيك خاطيك
36-ولد القط يجي ينط ولد الفار يجي حفار
37-ما يحس بالجمرة غير اللي معفس عليها
38-النهار بعويناته والليل بوذيناته

الموضوع الأصلي : امثلة و حكم سوفية  المصدر : منتدى تكنولوجيا العين الذهبية

روووعة هالأمثال ، شكراااااااا ليك

الموضوع الأصلي : امثلة و حكم سوفية  المصدر : منتدى تكنولوجيا العين الذهبية

هههههههههه كاشما عندك جديد على هدوا حطهم ياسين

الموضوع الأصلي : امثلة و حكم سوفية  المصدر : منتدى تكنولوجيا العين الذهبية

نضن هاذي هي الأمثال الكل نتاع السوافة
كشما خليتنا أنتا مش نزيدو
ههههههههههههه

الموضوع الأصلي : امثلة و حكم سوفية  المصدر : منتدى تكنولوجيا العين الذهبية

هههه حتى انا تبانلي بللي الكل راهم مكتوبين

الموضوع الأصلي : امثلة و حكم سوفية  المصدر : منتدى تكنولوجيا العين الذهبية