طريقة تحضير الصامصة

التحضير:5 فنجان فرينة+رشة ملح وفاني+فنجان زيت حكيها مليح ولميها بالماء وماءزهر حتى تولي عجينة طرية غلفيها وخليها ترتاح15في الثلاجة.
الحشوة: 4 فنجان صغير كوكاو مرحي+ فنجان سكر+ رشة قرفة وافتليها بالماء زهر
حلي العجينة بالحلال مبعد حليها فلمشينة في رقم 6او7تكون اشرطة
مبعد رشيهم بشوية مايزينة غير رشة خفيفة

مبعد اطويهم بهذي الطريقة

خليهم يرتاحوا قليلا مبعد حليهم بالحلال

وفوتيهم فلمشينة في رقم 4او5 وقطعي مثلثات كبار او صغار على حسب واش تحبي
ضعي مثلث من العجينة وديري فوقه الحشوة

وادهني الحواف ببياض البيض واغلقي بمثلث اخر

وفوتي عليه بالجرارة

حتى تكملي كامل العجينة انا عبرت بفنجان صغير قطعتلي 15حبة كبيرة

سخني الزيت يكون متوسط باش يطيبوا مليح

اقليهم ونتي ترمي الزيت عليهم كيما نقلوا سفنج حمريهم ثم قطريهم وعسليهم ورشيهم باللوز ايفيلي او جلجلان