كلــــك خيانـــة (قصيدة قاسة جدا .....لمن يستاهلها ؟؟؟..)

بسم الله الرحمن الرحيم

السلام عليكم ورحمة الله وبركاته
.
.
.
.

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانـه قـول وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـول .. لاتـغـرك إلحـونـك

اللي تقوله صح لـو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتني واظهرت خافـي فنونـك !!

كنت اعتقد قلبي هو ابـرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحك
هديت صرحك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. مـن بقايـا طعونـك

(للعالم القصيدة لااعلم من هو كاتبهاا) وجب التنويه

الموضوع الأصلي : كلــــك خيانـــة (قصيدة قاسة جدا .....لمن يستاهلها ؟؟؟..) المصدر : منتدى تكنولوجيا العين الذهبية

أمجد ; توقيع العضو