علامه فارقه لمستخدم الكمبيوتر والانترنت ( يعني مدمن )

قبل فترة كنت مع
اصحاب لي مجتمعين وطبعا غالبيتهم مثلي مدمني كمبيوتر وكل شخص لا يقل استخدامه
للكمبيوتر والانترنت عن 3-4 ساعات يوميا .. مع السوالف جبنا طاري مشكلتنا او بالاصح
عادتنا وهي كثرت الجلوس على الكمبيوتر والاستخدام المفرط .. فبدا واحد من الشباب
وقال كل واحد يورينا بطن يده اليمنى او اليد الي يستخدم فيها الماوس .. طبعا
استغربنا خير الاخ يقرا الكف ؟؟ ولا وش قصده .. بالاخير فهمنا ان فيه
اثر يجي باسفل الكف بالضبط بين الساعد والكف .. وبعد ماكل واحد فينا قارن يده
اليمين باليسار وتاكد ان فيه اثر او علامه بالجلد .. استغربنا وقلنا من الماوس ..؟
قال اي من الماوس .. ومن بعدها خلاص صارت ببالي هالعلامه كدلاله ان الشخص ذا مفرط
باستخدام الحاسب ..

اليوم تذكرت السالفه فقلت ابحث بقوقل عن هالعلامه
..


طبعا العلامه واضح انها من اثر استخدام الماوس يكون اسفل كفك ملاصق
لطاوله ويكون احيان عليه ضغط .. ( خصوصا اهل العاب الـPC ) .. وهالعلامه لو بشبها
بشي فهي مثل السجده او علامه السجود الي تجي للناس الي يكثروا لسجود والصلاه لله
سبحانه وتعالى .. ( عسى الله يرزقنا الهدايه ولا يشغلنا الا بطاعته )

طبعا
لو كان عندي كميرا كويسه كان صورت يدي ورفعت صورة لكن للاسف ماعندي وكمان من زين
العلامه الي مبسوط فيها بس فيه صور حصلتها بالنت تفي بالغرض




زاد الفضول عندي وقلت خل اشوف هل فيه ضرر للجسم .؟ هل
هالاثر يعتبر ضار .؟

طبعا النتيجه للاسف ايه بس مو الاثر المضر .. بالمسبب
حيث ان المنطقه الي بين الكف والساعد يمر خلالها الاعصاب المحركه والحسيه للكف
والاصابع ومو بس الاعصاب الاورده والشرايين .. والاستخدام المفرط للماوس والضغط على
تكل المنطقه يسبب احمرار وانتفاخ .. وبدوره يزداد الضغط على الاعصاب والاورده
والشرايين .. والضغط على الاعصاب يودي على التنميل والم .. وقد تصحو في منتصف الليل
من الم باسفل الكف وتنميل فتقوم بتحريكها لتخفف التنميل والالم .. وليس الالم وحده
المشكله فقط بل انه حتى اصابعك تضعف بشكل ملاحظ ولا تكون قبضتك محكمه للاشياء ..
وضعف الاعصاب الحسيه فتقل قدرتك على التمييز بين الاشياء الحاره والبارد باللمس
..
وهنا تعتبر مصاب بمتلازمه او مرض يسمى (Carpal Tunnel Syndrome )
..







وطبعا من الاسباب الرئيسيه للمتلازمه :

1-
كثرة العمل واستخدام الكمبيوتر ( الماوس ) .. حيث ان محترفي الكمبيوتر او الناس الي
تستخدمه اكثر من 5 ساعات يوميا هم اكثر عرضه للاصابه بهذه المتلازمه ..
2- الوزن
الزائد . له دور في الضغط على ممر الاعصاب والاورده بين الكف والساعد .
3-
التدخين .


- هنا انا بديت اخاف .. بحثت بالحلول والوقايه .. والنتيجه
: لا تستخدم الكمبيوتر كثير

.. طبعا كل ثقه ان فيه اشيا تمنع واشياء تساعدك
للوقايه من هالمتلازمه والعياذ بالله بحيث اني بصراحه اشكي احيانا من بعض الاعراض
مثل الم في المنطقه والتنميل خصوصا بعد ساعات لعب طويله ..

وبنفس الوقت ما
اظني قادر على اني استغني عن الماوس وماوس الاب توب اللمس ماتنفع .. لقيت بعض
الحلول مثل

قفازات واشيا زي المخده مع ماوس باد .. وذي صور لبعض الاشيا الي
لقيت







بعضها للماوس
وبعضها للكيبورد

وفيه قفازات خاصه للحمايه مستخدم الكمبيوتر وتعتبر طبيه






ولنتايج اكثر بقوقل اكتب Wrist Rest او Wrist
gloves

بانتظار ارائكم ..

شكراااااااااا اليكـ على الافادة يا غاليـ
سلمت يمناكـ ،،