صباح الورد والبارود صباح دموع وليل شموع وبرد وجوع ..!

صباح النور ياغزة !
يا أرض المجد والعزة
صباح ٍ يلثم ترابك
بريح الورد والبارود
صباح دموع
وليل شموع
وبرد وجوع
صباح الخير ياغزة

ولكن كفي الدمعة وهاتي نشرة الأخبار
وش الحاصل ؟! وش اللي صار ؟
أبيك تحدثين السمع
عن الآهات ويا الدمع
عن الأشلاء والغارة
وطفل ٍ قبره الأنقاض !
وش أخباره ؟!
يبي له قبر بلحاله
يخبرنا عن أحواله
عشان دموعنا تبكيه
وصحفنا تكتب وتنعيه
نبي نرثيه ؟!!
وهذي تأدية واجب !؟
مابين العين والحاجب
وصباح الخير ياغزة
يا ارض المجد والعزة
*
صباح عجيز ٍ تشكي
بفقد وليدها تبكي
تحلق حول جثمانه
بدمع العين غرقانه
تجيب صياحها شاشة
تشوف نفوس غشاشة
ياغزة نشرة الأخبار
تحدث عن صنوف العار
ومدام الصدق منا مل
ولابه في يدينا حل
وملت مننا الأعذار
فلا ترتجين الخير
من اللي كنهم أموات
وهم أحيا لهم أصوات
وصباح الخير ياغزة
يا أرض المجد والعزة

يا آآآآآآآآآه وآآآآآآآآآآآآآآه ياغزة
يزيد القلب دقاته
وتجيب العين عبراته
يترجم ما سطى فينا
أنين الآآآآآآآآآآآآآه ياغزة

تبكي ؟!
سلامتك

تبي أحلف برب البيت ؟
بكيت بحرقتي وأبكيت
بكى قلبي
بكت عيني
بكى الكيبورد
بكت صفحتي بالأورد

*

انا مدري منو يبكي ؟
أنا والا انت ؟!
أحسك قطعة مني
ولونك مبعد ٍ عني
انا في ( نجد )
وانت هناااااااااك في غزة
ولكن دمكم دمي
وابنقل همكم همي
لأنك أنت واخوانك
من اخواني
وجيراني
بعد كل شي فيني أنت
ابي اقول لك : لاهنت

ماتت أمك بأحضانك ؟
ودمعك غرّق أوجانك ؟
تبي تصبر ؟
تبي تظفر
لأنك أنت
مدار المجد عنوانك

تراكم أنتم الأبطال
صحيح أطفال
ولكن عن مية رجال
فديتك بس لاتبكي

لكن باكر أو بعده
تبي تعلم بني صهيون
وتتركهم غداً يبكون
تبي تثأر ترد ديون
وتتركهم دمى واشلاء
وتنقل فعلك الأخبار
مدام انه دوي ونار
وتطلع لابس اللثمة
مجاهد عن مية رجال

تقول اليوم ارد الثار
انا ذاك الطفل عمّار
انا اللي ماتت امي يوم
على حضني وانا عصفور
وكنت اصرخ وانا مقهور
ولكن جيت ارد الثار
انا عمّار انا عمّار
من أمة أحمد المختار

*******

الموضوع الأصلي : صباح الورد والبارود صباح دموع وليل شموع وبرد وجوع ..! المصدر : منتدى تكنولوجيا العين الذهبية

احساس ; توقيع العضو