قصيدة أول العشق

]

قصيدة أول العشق
يا نسيم الهبوب اللي تهبين مرّي نور عيني وانعشيني بريحه
عقب فرقاه عيني تسهر الليل كله واعذابي ليت عيني تشوفه
جمع الاحباب زينه والتفاريق شينه يشهد الله مار مابا الفضيحه
افزعوا لي قبل تلحق على الموده من غرامه شلت هم وكلوفه
دم جرحه بقلبي يوم طول غيابه بالوصايف مثل دم الذبيحه
يالله انك تعين وترحم اللي مولع نار وراه كنها وسط جوفه
واجد اللي نصحني عن هوى الأجنبيه مار كنّي ما سمعت النصيحه
كل ما اقبل سواد الليل جريت ونه من هوى اللي يمنعنّه ظروفه
قبل اعرفه عيوني ما شكن المضره والجوارح كلها مستريحه
ياهل الديرة اللي سلمكم جايز لي خافوا الله ما بكم لي مروفه
يوم بيّحت سدي غصب ماهو بودي كل ساعه بين ضحكه وصيحه
منوتي في حياتي راس مالي غناتي عن غرامه مانويت النكوفه
وين أبلقى تكانه مايخون الأمانة يفتهم طب القلوب الجريحه
يا حسين الدلالي يا خلف من غدا لي دوك قلبي كل همٍ يلوفه
أول العشق نظره ثم ضحكه وهرجه ثم تاقع فيه طبه بطيحه
ليتني ما عرفت اللي بحبه فضحني في عيوني كاملات وصوفه
عقب ذيك المسرّه شفت منه المضره لكن الله يبيحه
أرسل العذر مع مخلوق مدري وش اسمه لو حلف لي ماصدق في حلوفه
اشهد ان المسمي ما غلط يوم سمى أحسن اسمٍ للمليحه مليحه
أربعميّه وسته شفت منه المضره حسبه الله كم يصيرن حروفه؟

[size=26]

الموضوع الأصلي : قصيدة أول العشق المصدر : منتدى تكنولوجيا العين الذهبية

NASSIM N.G ; توقيع العضو

دسـتـــور و قـــانـــون الـمـنـتـــــدى - ادخل واقرا حتى لا يحذف موضوعك

مشكور يا {غالي} على موضــــوعك الرائع ولاتحرمنا من جديــــــدك

والى الأمــــــــام واصــــــــل بدون ما تفاصل

قصيدة أول العشق M5znk-f40a64965a