موقف محرج بين فتاة وخطيبها

موقف محرج بين فتاة وخطيبها ....!!!
ان الفتاة

هي من النوعية الخجولة لأبعد درجة ... و كانت تخجل أشد الخجل من خطيبها
لدرجة أنك لو تقطعها ما تأكل قدامه و لا تشرب.. !! تقول : جاءهم ذالك
اليوم خطيبها بعد الظهر ( وش يبي ذا جاي الناس بعز الظهر )... و كانت توها
قايمه من النوم ( يخرب بيته من شكل .. أكيد منفخ الوجه و رايح بخرايطها )
...في عطلة نهاية الأسبوع ... ( الويكند .. بالانجليزي المعرب ) .. ما
أمداها تفك ريقها....إلا هو موجود خلصت بسرعة بسرعة و ماشبعت طبعا ...
المهم جلس عندهم و لما جاء وقت الغداء كل أهلها قاموا يتغدون ...

فقال لها خطيبها تعالي تغدي معانا قالت لا أنا شبعانه توني فاطرة .. قال
لها : عشان خاطري تعالي .. قالت : والله خاطرك على عيني وراسي بس مافيه
مكان للأكل مو قادره لأني شبعانة .. ( وهي كانت جوعانة بس من كثر الخجل لو
تذبحها ماكلت قدامه )... المهم جاء العصر و استأذن خطيبها من أهلها أنه
بياخذها و يروحون محلات الأثاث و يختارون أثاث شقتهم .. وافقوا الأهل و
طلعت البنت معاه و هي ميتة من الجوع ... جا بينزلها بكوفي شوب ... قالت له
لا ما أقدر أشرب كافي ( و عيونها بغت تطلع من الدريشه من الجوع ودها تأكل
المحل بكبره ) .. قال : يابنت الناس تحلين على الأقل قالت : لا والله قبل
ما نطلع كنت شاربه كافي و محليه بالبيت ( و هي مناك ماذاقت ريحته ).... ما
أقدر أكثر منه..( و هي من هناك حاسة بدوخة من كثر الجوع ودها توصل البيت
).... لف فيها و لف و لف ( والبنت ميتة من الجوع و زادت زيادة قامت تفكر
بأفغانستان والفقراء و كل شي ذيك الساعة خطر على بالها )..!! في محلات
الأثاث وهي مو قادره تتحرك و تكابر ما تبي تاكل قدامه .... يوم ماقدرت
تمسك نفسها قالت له ياليت نرجع البيت لأني مصدعه .... قال لها أبي أعزمك
على العشاء برا قالت لا واللي يعافيك مافيه محل للعشا شبعاااااااانه ...
رجعوا البيت إلا أمها مسويه لهم عشاء و كانت بتطلع ... حطت له العشا و
ماكان في البيت إلا هي وهو بس .... قال لها تخليني أتعشى لحالي؟؟ تعالي
تعشي معاي ... قالت له : لا توني متعشيه (اشفيه هذا .. مايفهم ؟ بالغصب
يعني ). . قال اشلون توك متعشيه و انتي طول الوقت معاي ... انحرجت ضحكت و
قالت له الظاهر اليوم كثرت من الاكل لما قمت و الشيز كيك حليت زيادة عن
اللزوم أحس إني ما اقدر آكل أكثر من كذا ..... مد يده لها بياكلها من ايده
قالت له لااا و الله ما اقدر أصر عليها و قال لها عشان خاطري ..! قالت :
مااااا أقدر .. قال: بس هذي اللقمة عشان خاطري بس هذي.. قالت : ودي بس أحس
أني بارجع من كثر ما أنا شبعانه و الله ودي ..... عذرها وهو قال لها :
لهالدرجه شبعانة؟؟ قالت : وأكثر من كذا .. المهم خلص من العشا غسل أيده
وقال لها : حبيبتي استأذن أنا الحين لازم أمشي ( وهي أول مره تتمنى طلعته
بسرعة من كثر ماهي جوعانة .. هلكت المسكينة ) .. قالت له: عادي حبيبي حياك
الله خلينا نشوفك.. الرجال استغرب أنها مالزمت عليه يقعد ( قام يطالعها و
عيونه تطلع و ترجع ).. المهم مشت معاه ألين ما طلع من عند الباب ... من
كثر الجوع ما قفلت الباب و راحت تركض على صينية العشا و هي بالمطبخ و قامت
تأكل بشراااااااااااهه و هي واقفة ما قدرت تقعد .. في هذا الوقت خطيبها
ناسي مفتاح السيارة فرجع و دخل بياخذ مفتاحه و هو قريبها (ولد عمها).. فحب
يسلم عليها و يقول لها أنه رجع يأخذ مفتاح السيارة سمع صوت بالمطبخ دخل
عليها.. وهي من كثر الجوع ماحست أنه وراها ... جلس وراها مكتف أيدينه و
واقف يطالع لها .. وهي تأكل و تأكل و تأكل بشرااااااهه أليين ما خلصت ...
توها بتمشي التفتت وراها إلا لقته واقف مبتسم و يطالع لها بعين .. ..
يااااااا الهي هي أصلا خجولة و تخيلو شافها و هي كذا !! قال لها: ليه
كذبتي علي و قلتي لي انك شبعانة؟؟؟ كل هذا جوع؟؟؟؟ البنت بغى يغمى عليها
من الإحراج !!

ان شاء الله بس تعجبكم القصة

منقوووووووووووووووووووووووووووووووووول